Rondeau à Nostre Dame
En temps obscur estoille refulgente,
Raid de soleil, aulbe du jour fulgente,
Port de salut, allectante pucelle,
Roze vernant, de Dieu mère et ancelle,
Royne des Anges, au pecheur indulgente,
Tournez vos yeulx, maternelle regente,
Vers voz enfans ; aidez à qui regente
Le parc de Dieu et sa sainte nacelle
En temps obscur.
Contre le corps d’eglise diligente
Gens sans raison de tout bien indigente
Et contre vous a mise sa parcelle ;
Monstrez vous Mère, et que ayons paix par celle
Qui a le pouvoir : la cause en est urgente
En temps obscur.
Clément MAROT.