La conception de Notre-Dame
Comme nature est en péché ancrée
Par art d’Enfer, grâce, qui nous recrée
Par art du ciel, Marie en garantit ;
Car autrement cil qui se y consentit
Ne l’eust jamais à son Filz consacrée.
Mais il peult tout, et veult et luy agrée
Qu’un filz sacré aye mère sacrée,
Ce qu’elle fut, et vice ne sentit,
Comme nature.
Nature, trop de fol désir oultrée,
Est en péché originel entrée,
Et sans baptesme onc homme n’en partit.
Mesmes jamais la Vierge n’en sortit :
Aussi jamais elle n’y fit entrée
Comme nature.
Clément MAROT.